Vilaboa incorpórase aos concellos galegos con redes de nova xeración de R
venres, 19 de novembro do 2021
O
concello pontevedrés de Vilaboa vén de unirse á listaxe de máis
de 140 municipios galegos con conexión directa ás redes de nova
xeración de R, ao incorporarse recentemente 54 fogares e negocios do
núcleo de Costal á infraestrutura de operador galego.
O
devandito, sinala a operadora, significa que estes inmóbeis de
Costal xa poden gozar de accesos ultrarrápidos a Internet de ata 500
Mbps simétricos (subida e baixada) e doutros servizos de
telecomunicacións de última xeración. Con estes traballos pechouse
a primeira fase do despregamento de R no concello.
Amais,
ao remate desta fase do Plan Avanza, quedarán conectadas preto de
800 residencias e empresas de Vilaboa. Non só do Costal, senón
tamén dos núcleos de Balteiro, Larache, Riomaior, Muíño,
Magarella, Barciela, Areeiros, Pazos e Nores.
Este
e outros desenvolvementos de rede na provincia de Pontevedra forman
parte dun dos tres proxectos do Plan PEBA-Avanza do Ministerio de
Asuntos Económicos e Transformación Dixital dos que R resultou
adxudicataria en 2018 para despregar a tecnoloxía FTTH (Fibra Até o
Fogar) en 512 núcleos de Galicia que non dispuñan de alta
velocidade ata o momento (as chamadas “zonas brancas”).
Nos
tres plans vaise investir un total de 10M€, dos cales preto de 8M €
serán subvencionados polos fondos FEDER da Unión Europea. En
concreto, o despregamento no devandito núcleo de Costal, en Vilaboa,
enmárcase no proxecto destinado á extensión de redes de nova
xeración en 196 núcleos doutros municipios do suroeste de Galicia
(Pontevedra), traballos que nestas zonas suporán un investimento
total de 3,75 M€.