Vigo acolle este luns 19 unha xornada sobre 5G e conectividade intelixente
xoves, 15 de decembro do 2022
O
vindeiro luns 19 de decembro de 2022, o Observatorio Nacional 5G
(iniciativa da fundación Mobile World Capital), en colaboración co
Concello de Vigo, organiza a
xornada Conectados 5G, unha cita onde profesionais do
sector abordarán os principais retos e oportunidades da tecnoloxía
5G para Vigo. Trátase, en palabras da organización, “dun evento
onde repensar, debater, analizar e buscar oportunidades para que as
nosas cidades poidan converterse en urbes intelixentes, sustentábeis,
conectadas e competitivas ao servizo da cidadanía, das empresas, das
emprendedoras e emprendedores, das entidades e da sociedade en
xeral”.
Participarán
nesta xornada, entre outros especialistas nas ditas materias, Felipe
Gil-Castiñeira e Francisco Javier Diaz Otero, investigadores do
centro da UVigo AtlantTIC e docentes da Escola de Enxeñaría de
Telecomunicación. Felipe Gil-Castiñeira participará ás 10:30h na
mesa redonda Vigo: innovación tecnolóxica no ecosistema
5G e Francisco Javier Diaz Otero ás 12:25h na mesa redonda 5G
e o auxe de novos verticais: o impacto da nova conectividade para o
emprendemento.
Podemos
consultar o programa completo e realizar a inscrición na ligazón
específica habilitada.