Verizon deixa de dar servizo de telefonía 3G nos EE.UU.

A chegada da 5G a España está a ser máis lenta do esperado inicialmente, pero nos EE.UU. a cousa está a ser moi diferente, e os operadores de telecomunicacións levan anos advertido aos seus usuarios do apagamento da 3G para que actualicen os seus dispositivos, e a última operadora que continuaba a dar este tipo de conectividade, Verizon, puxo fin á súa rede 3G CDMA o 31 de decembro de 2022, polo que agora podemos dicir que EE.UU. é un país sen 3G.
Verizon leva dende 2016 procurando que os seus clientes adquiran terminais 4G ou 5G, e xa tiña intención de dicir adeus á 3G en 2019, pero tivo que prorrogar o peche primeiro a finais de 2020 e, finalmente, a finais de 2022. Deste xeito, os clientes que aínda teñan un móbil 3G ou un móbil 4G que non soporte VoLTE terán que actualizar o seu dispositivo para poder seguir facendo chamadas.
Verizon aproveitará as frecuencias empregadas pola 3G para dar servizo con tecnoloxías máis modernas.