Verín, caso de éxito en integración da eAdministración
martes, 20 de xuño do 2017
A
firma esPublico,
plataforma de servizos xurídicos especializada na administración,
vén
de cualificar o portal web do Concello de Verín como “caso de
éxito” en materia de adaptación ao ámbito do eGoberno.
Segundo reflicten fontes do Consistorio, un dos principais parámetros
que se tivo en conta foi a ampla participación de veciñanza nos
diferentes servizos. En termos concretos, dende a activación da
totalidade de todas as funcionalidades do portal o pasado mes de
maio, a día de hoxe tramitáronse a través de dita plataforma
38.194 documentos electrónicos, 2.992 expedientes e 5.715 rexistros.
O
Concello, a raíz destes bos resultados, fixo reconto das orixes e
obxectivos do proxecto, en cuxo desenvolvemento participou arreo todo
o persoal do consistorio. Segundo informa, unha das finalidades era
“lograr o cumprimento da lexislación en materia de Administración
Electrónica”. Outro dos obxectivos foi mellorar as comunicacións
dos veciños coa Administración local.
Segundo
apunta o Concello, a idea era emendar e pór remedio as múltiples
dificultades ás que se vían sometidos os cidadáns á hora de
realizar xestións de maneira presencial. Isto conseguiuse en boa
medida a través da implantación e posta en marcha da plataforma
Xestiona, da empresa esPublico.
Segundo
Diego Lourenzo Moura, tenente de alcalde do Concello, Xestiona
facilita a colaboración e xestión conxunta de expedientes entre as
diferentes unidades administrativas e permite un control dos
documentos que conforman un expediente, amais do exame do mesmo antes
da sinatura da súa resolución. Diego Lourenzo salientou que coa
nova plataforma redúcense os custos de papel e de correos grazas á
dixitalización de todo o sistema. “Con todo”, indicou, “aínda
queda moito por facer para conseguir ser 100 % dixitais, que é a
opción de futuro.