Vedra dará continuidade ao seu programa da apoderamento dixital para mulleres
luns, 9 de xaneiro do 2023
O
Concello de Vedra informou da continuidade do programa Mulleres+,
programa formativo impulsado polo Executivo local que ten o obxectivo
de facilitar a plena integración laboral, social e tecnolóxica das
veciñas do concello, poñendo o foco en impulsar o seu apoderamento.
O programa, a nivel de contidos, inclúe
formación en coñecementos básicos de Tecnoloxías da Información
e a Comunicación (TIC), formación teórica e recursos para
facer realidade a inclusión dixital das persoas participantes.
En
palabras do departamento de Igualdade do Concello, o obxectivo é
“ter un recurso propio para mellorar a autonomía e o autocoidado
das mulleres de Vedra. Desenvólvese a través de accións formativas
grupais e individuais, para que as mulleres vaian adquirindo
coñecementos e ferramentas e que van destinadas ao coñecemento e
adquisición de novas capacidades”.