Vázquez Abad comproba o funcionamento do Programa ABALAR en Guitiriz
luns, 18 de xuño do 2012
O
conselleiro de Cultura, Educación e Ordenación Universitaria, Xesús
Vázquez Abad, comprobou hoxe o funcionamento de dous dos proxectos máis
punteiros impulsados polo seu departamento, o Plan de Potenciación das
Linguas Estranxeiras e o Proxecto ABALAR, nos centros educativos do concello de
Guitiriz.
Vázquez Abad
visitou a primeira hora da mañá o IES Poeta DÃaz Castro, que conta con aulas ABALAR
desde o primeiro curso de implantación do proxecto, o 2010/2011. deste xeito,
80 alumnas e alumnos contan con cadanseu ordenador ultraportátil para o seu uso
na clase. Tal e como explicou o conselleiro, as 4 aulas ABALAR do centro
supuxeron un investimento de 48.600 euros, co fin de acadar a integración das
novas tecnoloxÃas da información e a comunicación no ensino.
Vázquez Abad,
acompañado pola delegada da Xunta na provincia, Raquel Arias, visitou tamén o
CEIP de Lagostelle, que forma parte da rede de 110 Centros Plurilingües de
Galicia. Xunto ao director do centro, Domingo Lodeiro, visitou a aula dixital
da que se dotou ao centro grazas ao convenio con Red.es, polo que o presente
curso foron instalados 782 kits de aula dixital en 645 colexios que non forman
parte do ABALAR.