Uninova e a Cámara de Santiago participan no IX encontro galego-luso das redes de información europea
venres, 14 de abril do 2023
Europe
Direct A Coruña e a Associaçao Empresarial de Portugal (AEP)
organizan un novo encontro transfronteirizo, que contará coa
participación das principais Redes de Información Europea
operativas en Galicia e o Norte de Portugal, e
que se celebrará o mércores 19 de abril na cidade portuguesa de
Leça da Palmeira. O principal obxectivo do evento é o de dar a
coñecer e reforzar o intercambio de experiencias, boas prácticas e
a actividade conxunta das redes de información europea de Galicia e
Norte de Portugal, asà como explorar oportunidades de colaboración
entre as redes de ámbalas beiras da raia no perÃodo 2023-2024.
A
xornada iniciarase coa presentación de boas prácticas realizadas ao
longo do pasado ano, para logo compartir historias de éxito e
compartir propostas de colaboración para os próximos anos.
O
evento contará coa participación de centros e enlaces de
información europea existentes tanto en Galicia como no Norte de
Portugal, como son, no que respecta a Galicia, Europe Direct, Erasmus
for Young Entrepreneurs (xestionado por Uninova e a Cámara de
Comercio de Santiago), Eurodesk, Centros de Documentación Europea da
UdC e da USC, Enterprise Europe Network, Erasmus+ Programas Europeos,
Rede EURES e EURES Transfronteirizo.
Uninova
é unha entidade impulsada polo Concello de Santiago de Compostela e
a USC, que ofrece asesoramento, aceleración e soporte á creación
de iniciativas empresariais innovadoras.
A
súa finalidade é a de fomentar, facilitar, promocionar e impulsar
toda clase de actuacións xeradoras de ocupación e de actividade
económica na área de Compostela para contribuÃr á consolidación
no municipio a dun tecido económico xerador de emprego, riqueza e
innovación.
