Unha web turÃstica permite escoller destino a partir de vistas en liña e en 3D
mércores, 27 de xullo do 2011
Quen non anda procurando destino de vacacións
na Rede é porque xa chegou. Ou sexa, quen máis, quen menos, anda fozando na
Internet estes dÃas na busca do sitio ideal onde pasar uns cantos dÃas. O malo da
Rede é que hai portas de máis nas que petar, e as poucas boas de verdade, sexan
desinteresadas ou de tipo empresarial, aparecen cada dÃa máis sepultadas na maré
de reclamos comerciais baleiros que Google nos ofrece. Villascopic.com
non é o recurso polo que estabamos a agardar, pero pon en xogo unha serie de
cousas dende o punto de vista tecnolóxico que achegan un pouco de información
sobre o futuro do turismo en liña. Entre os seus puntos máis salientábeis,
dicir que nos ofrece a posibilidade de buscar aloxamento explorando en liña o
destino, a vista de paxaro e en 3D.
Podemos elixir entre 60.000 lugares onde
durmir en case 90 paÃses, 6,789 cidades e 15 millóns de puntos de interese. A
idea dos responsábeis do servizo era dar cumprida resposta ás preguntas inevitábeis
que facemos á hora de interesarnos por un destino: Este hotel estará á beira do
mar? Estamos preto de zonas naturais ou rodeados de cemento? Hai algo que me
asegure que poderei descansar ben e que pola noite non terei que despedir ou
recibir cada avión que marcha ou chega ao aeroporto lindeiro ao noso hotel? O
servizo, que foi posto en marcha hai un mes, foi xa elixido pola axencia AvendreALouer.fr (do grupo Pages Jaunes), o segundo sitio
web de anuncios inmobiliarios profesionais en Francia, como socio-fornecedor
exclusivo para a súa sección de aloxamento de vacacións.