Un estudo sostén que ós o 17% dos 75 millóns de usuarios de Twitter están activos

RJMetrics fixo unha exhaustiva análise de Twitter, concluíndo que, pese a que o servizo de microblogging sume 75 millóns de usuarios rexistrados, a meirande parte dos mesmos permanece pasivo, de xeito que incluso o 40% das contas nunca enviaron unha soa mensaxe a través do servizo, o 25% non teñen seguidores e o 80% dos usuarios terían realizado menos de 10 tuits, concluíndo finalmente que só poderiamos considerar que o 17% dos usuarios rexistrados manteñen certa actividade, ou sexa, que en realidade deberiamos falar de 13 millóns de tuiteiros.
Esta discrepancia entre usuarios activos e rexistrados podería ser consecuencia do eco social que acadou Twitter nos EE.UU. durante a guerra entre Ashton Kutcher e a CNN ou a chegada da presentadora de televisión Oprah a este servizo, polo que estariamos a falar de usuarios que len máis que escriben, o que atentaría contra a filosofía deste servizo, pero respondería bastante ben ao comportamento habitual fronte a medios de comunicación.

A incorporación de usuarios a Twitter disparouse coa polémica entre Kutcher e a CNN, así coma coa chegada de Oprah a esta plataforma