Un equipo virtual de docentes axudará ao alumnado que precise de atención domiciliaria
venres, 13 de novembro do 2020
A Xunta de Galicia mellorará a atención domiciliaria do
alumnado coa creación dun Equipo Virtual de Atención, conformado por docentes
que empregarán para esta tarefa as aulas virtuais e as ferramentas dispoñibles,
proposta
presentada polo conselleiro de Cultura, Educación e Universidade, Román
RodrÃguez, no Comité Educativo, onde explicou que o obxectivo é ofrecer un
recurso efectivo desde o punto de vista docente, pedagóxico e metodolóxico.
Esta medida aplicarase ao alumnado que, por padecer unha
determinada patoloxÃa ou por calquera outro motivo, sempre xustificado desde o
punto de vista médico, non poida acudir a clase durante un perÃodo prolongado e
se atope en esta situación de atención domiciliaria.
O Comité analizou a proposta, que agora será desenvolvida e
concretada co apoio dos membros do propio Comité para a posterior elaboración
dunha resolución que faga realidade este recurso de apoio.
Trátase, polo tanto, de adaptar e mellorar o proceso de
seguimento do alumnado en atención domiciliaria aos tempos e necesidades
actuais, tendo en conta as especificidades impostas pola pandemia, abrindo unha
canle constante de apoio, motivación e avaliación dos estudantes que se atopen
nesta situación.
O Equipo Virtual de Atención contará tanto con mestres, para
atender ao alumnado de Primaria, como por profesores de ámbito das
especialidades de Secundaria para os estudantes destas etapas.