Un blog convida á comunidade bitacoreira a celebrar cun post en esperanto o día desta lingua, o 15 de decembro

E nós que criamos que o esperanto xa desaparecera por falta de emprego e vía Pixel e Dixel descubrimos que está vivo e, sobre todo, en Internet. Co gallo da celebración o vindeiro 15 de decembro do Día do Esperanto, os defensores desta lingua auxiliar nos Estados Unidos (desenvolvida a finais do século XIX e considerada a máis doada de aprender do mundo), convocan neste blog a toda a comunidade bitacoreira para pendurar un post sobre un tema calquera na lingua habitual deste espazo en Internet, que non é outro que o esperanto.
Cómpre subliñar que este idioma foi creado para solucionar, na medida do posible, o problema da Torre de Babel que é, a fin de contas, o mundo. Ditou doutro xeito máis claro: o pai do esperanto, o investigador polaco Ludovic Lazarus Zamenhof, tiña o deseño de achegar unha lingua que favorecese a comunicación entre persoas de diferentes linguas maternas. E para os que coma nós crían que o esperanto era cousa dun pasado máis esperanzado coas amplas posibilidades do diálogo entre seres humanos, dirémoslles que cada ano publícanse centos de libros neste idioma e que incluso existe unha televisión, Internacia Televido.