Un 82% dos españois bota man de dispositivos móbiles mentres conduce
xoves, 18 de agosto do 2016
A compañía
WTF, fabricante entre outras cousas de
elementos para incrementar a seguridade nas estradas (por exemplo o
WTF Smart Sticker, que nos permite empregar o GPS sen perder de vista
o que temos diante do parabrisas), vén de emitir un estudo no que se
reflicten, ademais outros asuntos, os principais hábitos de risco
dos condutores españois cando circulan ao volante. Segundo se achega
na investigación, un 82% dos enquisados asegura empregar
dispositivos móbiles mentres conduce, termándoos da man mentres coa outra
guían o automóbil.
Ademais o 60% dos
participantes no informe afirmou terse feito autofotos cos seus
trebellos (selfies)
con moita frecuencia, e o 88% asegura ter consumido contido
audiovisual, en marcha, coa súa tableta ou smartphone.
Segundo explica a compañía responsábel da investigación (a firma
española WTF), “os dispositivos intelixentes e tabletas, se ben
facilitan moito o noso día a día en múltiples aspectos e facetas,
poden ser fonte de risco por mor dun uso indebido dos mesmos durante
a condución”.