Ultímanse os preparativos do I Foro Galego de Cloud, a celebrar o xoves
martes, 18 de maio do 2010
O vindeiro xoves, 20 de maio, o Centro
de Novas Tecnoloxías de Santiago de Compostela vai dar acollida ao I Foro Galego de Cloud, un evento
tecnolóxico que, lonxe de ser un mero lugar de encontro entre empresarios e
distribuidores, pretende converterse nun punto de referencia en España no que
se darán cita distintas administracións e empresas preocupadas pola innovación
tecnolóxica.
O Foro ten como principal obxectivo
difundir coñecemento do redor do cloud
computing e da virtualización, e para
iso contará co apoio da Dirección Xeral de Formación e Colocación da
Consellaría de Traballo e Benestar, así como da Secretaría Xeral de
Modernización e Innovación tecnolóxica da Xunta de Galicia.
Cabe destacar asemade a colaboración de
INEO, a Asociación Multisectorial de Novas Tecnoloxías da Información e a
Comunicación e referente do sector TIC en Galicia, que aporta a súa experiencia
en torno á innovación tecnolóxica e á virtualización.
Asemade, o acto conta co patrocinio de
fabricantes multinacionais líderes en estratexias cloud da talla de Citrix, Fujitsu, Microsoft, NetApp, VMware, o
operador de cable R e consultores expertos en Tecnoloxías da Información e a
Comunicación.
O evento, que se vai dividir en dúas
sesións, unha teórica e outra práctica, serviralle ás persoas asistentes para
coñecer de primeira man a importancia estratéxica do Cloud Computing así como as alternativas que permite a
Virtualización para afrontar proxectos de natureza tecnolóxica e tamén
empresarial.
Segundo palabras de Ramón Ares, director
xeral de Ozona Consulting, a empresa organizadora do Foro Cloud, “o Cloud Computing é un modelo de
computación flexible que permite a xestión de recursos de TI como servizos a
través de Internet. Este modelo ofrece flexibilidade, escalabilidade e aforro
de custes ás organizacións que o adoptan”.