Ultiman no Brasil o lanzamento dun libro sobre ciberxornalismo que conta con participación galega
xoves, 23 de agosto do 2007
- Portada do libro
O vindeiro 3 de setembro presentarán no Brasil o libro O
Ensino do Jornalismo em Redes de Alta Velocidade: metodologias e sofwares,
que se trata dunha obra colectiva na que se agrupan textos de investigadores de
varias universidades brasileiras (UFBA, UFSC, UFPE, UFSM e Facultades Jorge
Amado), da Universidade de Córdoba (Arxentina), do Instituto Tecnolóxico de
Monterrey (México), da Universidade da Beira Interior (Portugal) e mesmo a
Universidade de Santiago de Compostela, contando coa organización dos
profesores ElÃas Machado (da UFSC) e Marcos Palacios (da UFBA).
O texto presenta discusións filosóficas e metodolóxicas en torno á práctica do
ensino do xornalismo na web articulándose tanto un nivel teórico-conceptual
coma aplicado. Tamén relata experiencias pautadas na aplicación pedagóxica
doutras ferramentas dispoñibles na Internet (coma os blogs) e na produción de
probas prácticas de aplicacións informáticas deseñadas para a docencia do
xornalismo web (plataformas de ensino e publicación).
Este novo libro conta cun total de 192 páxinas e venderase a 25 reais (9,14
euros) presentándose tamén no congreso
Intercom 2007 (en Santos) e na Bienal
Iberoamericana de Comunicación (na arxentina Córdoba).