Trisquel GNU/Linux presenta a súa versión para centros educativos
martes, 16 de decembro do 2008
Esta tarde a Aula Magna do
Mosteiro de San MartÃn Pinario (Santiago de Compostela) acolleu o acto
de presentación da nova versión do sistema operativo Trisquel GNU/Linux orientada a centros educativos, na que repartÃronse copias do programa á vez que se fixo un chamamento de axuda á comunidade docente, para colaborar na inclusión de paquetes de software libre de carácter educativo.
- Imaxe do escritorio de Trisquel Edu
O Trisquel GNU/Linux é un sistema operativo libre, en galego, español, catalán, éuscaro e inglés, que conta con edicións para fogar, PEME e escola, sendo esta última á que se lle dá máis importancia desta volta, e da que xa
se publicou cunha release candidate o pasado mes de
setembro. Trisquel Edu inclúe todo o preciso para montar aulas para alumnos
de calquera idade e ten ferramentas especÃficas para a xestión de usuarios,
control de aula, encerado dixital, clientes lixeiros e outras aplicacións que
fan doada a súa administración e permiten mellorar a produtividade dos docentes.
Tal é o coidado co que se desenvolve esta distribución de Linux, que aparece
na listaxe de distribucións recomendadas por GNU/FSF (xunto
con só outras 6).