Todo listo para o comezo das novas Xornadas de Videoxogo e Literatura de Vigo
mércores, 1 de setembro do 2021
Este
2 de setembro (e até o día 4) vaise desenvolver no Marco de Vigo a
nova edición das Xornadas
de Videoxogo e Literatura de Vigo, organizadas novamente pola
Fundación Carlos Casares. Será unha cita para tomarlle o pulso á
interesante (cada vez máis) interacción entre creación literaria e
lecer dixital, un punto de confluencia creativa que pode achegar unha
importante materia prima para o sector galego dos videoxogos e,
tamén, o editorial. No marco desta cita presentarase un dos grandes
acontecementos tecnolóxico-literarios da tempada en Galicia: a
novela interactiva Ti
primeiro,
dirixida e e co-protagonizada por Roberto Alvite e dispoñíbel con
formato de aplicación para iOS e Android. As xornadas achegaranse en
streaming
dende a web de seu. Haberá relatorios, presentacións, mesas de
debate e
obradoiros sobre dereitos de autor, ferramentas docentes e de guión
e narrativa de videoxogos.
A
axenda comeza o
2 de setembro ás 16 horas coa inauguración a cargo da Fundación
Carlos Casares. Despois
será a quenda dos relatorios Os
comezos do audiovisual interactivo en España,
a cargo de Víctor Freixanes e Gilberto Sánchez, e Os
esports en
Galicia
e en España,
con
Hugo Botana, Sandra Cabeza “Leviathan”, Diego Vidal e Hugo
Santomé “Curruncho”. Ás
18.30 horas presentarase
a
exposición A
literatura entra en xogo
e do proxecto Música
e videoxogos,
na Fundación Museo do Videoxogo de
Galicia.
A
xornada do día seguinte arrincará co relatorio El
cuento de sirena: Unha visión (pre) videolúdica de Gonzalo Torrente
Ballester,
por Antonio Gil, e
proseguirá cunha aproximación a
Bitsy e Twine da man de Miguel Valverde.
Logo,
Ramón Méndez, Alba Calvo e Anxo Suárez achegaranse á Tradución
e localización de videoxogos e
Roberto Janeiro abordará
a cuestión dos Dereitos
de autor nos videoxogos e nas adaptacións literarias.
Ás
18 horas está
prevista a mesa redonda O
galego nas redes sociais,
na que
estarán presentes ago
Gordillo, Mario García e Esther Estévez. Logo
será a quenda de
Josué Monchán con Guión
e deseño narrativo nos videoxogos”
O
sábado desenvolverase o obradoiro Cóntame
un conto,
que imparte Ramón Besonías. Ás
11.00 horas presentarase a novela interactiva Ti
primeiro,
da man de Roberto Alvite e Luz Castro. As
xornadas rematarán con Ti
participas,
mesa
moderada
por Carlos Pereiro.