Tiran proveito das redes sociais para sensibilizar sobre a síndrome de Down
xoves, 29 de novembro do 2012
- Estudantes de Xornalismo contribuíron á potenciación da páxina de Facebook de Down Compostela
A Asociación Down Compostela presentou
hoxe o seu calendario solidario, do que editaron unha tiraxe de 2.000
exemplares que venderanse a 5 euros e busca amosar a normalidade das persoas
con síndrome de Down e discapacidade intelectual, obxectivo compartido cunha
nova campaña de sensibilización que lanzaron a través de redes sociais (fundamentalmente en Facebook)
grazas á colaboración de 9 alumnos de Xornalismo da USC representados no acto
de presentación por Bianca Ruano, quen destacou que “Facebook é hoxe en día o lugar de encontro de moitas persoas, e por
iso a Fundación Down Compostela quixo iniciar a súa acción dende esta
plataforma”, ao que engadiu que “o
obxectivo principal desta campaña é conseguir que, a través do incremento de seareiros
na páxina de Facebook da Fundación, obter a maior visibilidade posible dos contidos
concienciadores dentro do ámbito do público obxectivo da campaña: o estudando
da USC. Para isto, realizouse unha acción centrada na gravación de tres
traballos audiovisuais cos que se conseguiu unha notable sensibilización, algo que se puido ver grazas
ao incremento dos seguidores na páxina oficial de Down Compostela”.
Os vídeos elaborados polos estudantes de Xornalismo están dispoñibles
na canle de Down Compostela en
YouTube, desenvolvidos na liña do que publicamos a continuación:
- A Asociación publicou un calendario solidario que presentouse oficialmente hoxe en Compostela