Telefónica xestionou o lanzamento de nove destinos turísticos smart, incluído o de Ourense
xoves, 5 de xaneiro do 2023
- O presidente da Deputación de Ourense, Manuel Baltar, e a directora de Telefónica en Galicia e Asturias, Paula Beirán
Telefónica
fixo revisión do ano que deixamos atrás en materia de
transformación de destinos, un ano que destacou, nas súas palabras,
por ser o mellor en canto a implantación de proxectos turísticos
intelixentes en España, unha das vertentes principais do concepto de
Cidades Intelixentes. Así, durante
o ano pasado xestionou a posta en marcha de nove municipios e
deputacións como Destinos Turísticos Intelixentes (DTI) a
través de dez proxectos nos concellos de Alcalá de Henares, Arona,
Benidorm, Bilbao, Calvià, Puerto de la Cruz e as deputacións de
Badaxoz, Cádiz e Ourense (Deputación),
moitos deles a través do financiamento de Fondos Europeos de
Desenvolvemento Rexional (FEDER) da UE, canalizados a través de
Red.es. Estas despregaduras, por valor de 16,6 millóns de euros,
únense aos máis de 60 casos de Smart Cities & Smart
Destination que xa existen en municipios, deputacións, illas e
cabidos españois.
As
grandes estrelas tecnolóxicas destes proxectos foron (entre outras)
a 5G ou a Internet das cousas de banda estreita (NB-IoT), que
facilitan a sensórica do territorio en ámbitos como o das
principais infraestruturas da cidade, a rede de transporte, os
edificios e as persoas. A operadora explica que estes fornecementos
teñen vantaxes para a mobilidade (con máis de 100.000 vehículos
conectados nunha década por Telefónica, para a seguridade cidadá,
para a sustentabilidade e para os servizos básicos como a xestión
da auga ou dos residuos, entre outros.
Na
estratexia smart, Telefónica tamén destaca a
plataforma de desenvolvemento propio Thinking City, que “se
converteu nun estándar dentro do sector turístico”, explica a
operadora, engadindo que está baseada en compoñentes de software
libre e que habilita de forma segura proxectos de analítica avanzada
de datos e análises preditivo. Ademais, a través dun cadro de mando
integral e da sensórica da cidade, permite medir todo o que ocorre
na urbe, tomando decisións baseadas na información obtida.
O
proxecto da Deputación de Ourense
O
proxecto Hai
un Ourense para ti. Descúbreo ten un orzamento de
2.989.022,34€, 40% achegado pola Deputación de Ourense e 60% por
parte de Red.es e está co-financiado por FEDER a través do Programa
Operativo Plurirrexional de España (POPE).
A
iniciativa ten como obxectivo a creación dunha plataforma integrada
de turismo intelixente que permita ao turista acceder á información
de interese dos principais recursos turísticos da provincia (Ourense
ao teu alcance), ofrecerlle servizos personalizados (Sente
Ourense) e experiencias inmersivas (Ourense guíate).
Entre
as iniciativas previstas destaca a implantación dunha plataforma
integradora dos recursos.