Telefónica negocia a adquisición de Jajah

O2, a filial británica da nosa operadora máis internacional, está a ultimar detalles na compra de Jajah, un servizo de voz IP similar a Skype polo que Telefónica podería chegar a pagar preto de 139 millóns de euros. Este servizo, que non precisa de auriculares, nin de micrófono, nin da descarga previa do programa para conectarse, funciona con calquera teléfono (móbil ou fixo) e é tan doado de usar como Google. Jajah, que tampouco precisa conexión de alta velocidade, nin un teléfono especial para chamar, ten uns 25 millóns de usuarios, que poden chamar a un custe moi reducido a máis de 122 países.