Telefónica, Orange e o Concello de Padrón levarán cobertura a máis de 3.600 fogares e empresas
xoves, 10 de setembro do 2020
O
Concello de Padrón vén de anunciar
novos e importantes avances en materia de cobertura de Internet e
fibra óptica, que, segundo fai saber, chegarán a máis de 3.600
fogares e empresas en datas vindeiras. O fornecemento tecnolóxico
vén da man de dous operadores de telecomunicacións, Orange e
Telefónica, con quen colabora o Goberno local para o desenvolvemento
do proxecto, fixando en aproximadamente tres meses o prazo para
rematar este plan de cobertura. “A través del, a cidadanía de
Padrón poderá acceder ás comunicacións fixas máis avanzadas do
mercado”, explicou.
O
concelleiro de Servizos, Ángel Rodríguez, detallou que “investir
en telecomunicacións é moi necesario, xa que numerosas actividades
do noso día a día hoxe ocorren a través de Internet, e incluso o
éxito de moitas empresas dependen desta plataforma”. Segundo
engadiu, o despregue levarase a cabo en “numerosos lugares do
concello”, entre os que se inclúen o centro do mesmo e lugares
como A Igrexa, Herbón, Extramundi de Abaixo, Vilar, Berxaos,
Outeiro, Rial, Ribadulla, Sande, Sinde, Sobrerrivas, Baiuca, Vigo,
Cortiñas, Rego da Manga, Santa Cruz, Aduana, Barco, Cambelas,
Paraíso, Pousa, Rueiro, Calzada e Lamas.
O
mapa de cobertura poderase ampliar en datas vindeiras, informou o
concelleiro.
Orange
fixo saber que o seu labor estase a centrar no despregue por
canalización existente (o 95% da mesma, sendo o investimento, para
esta iniciativa, de 465.000 euros.
Telefónica
tamén puxo o foco no aproveitamento das canalizacións subterráneas
(só nos casos nos que non existise infraestrutura dispoñíbel
realizarase o despregue por tendidos aéreos por postes ou en
trazados por fachada).
O
Concello lembrou que a instalación desta rede é de balde para a
Administración local e a cidadanía, e “non supón ningún
compromiso de contratación posterior dos servizos por parte dos
habitantes de Padrón”. Ademais, dixo, as dúas operadoras de
telefonía quixeron evitar molestias aos residentes, e por iso
minimizaron ao máximo a obra civil que están a desenvolver.