Tecnocom encargarase dos servizos de fÃo musical e marketing dinámico de On The Spot
mércores, 28 de novembro do 2012
Telefónica On The
Spot Services, empresa de Telefónica Digital, vén de elixir
a Tecnocom como provedor para a externalización dos servizos de fÃo musical e marketing dinámico tras a
celebración dun concurso ao que concorreron un total de 11 empresas. A oferta
de Tecnocom está cifrada en pouco máis dun millón de euros.
Telefónica On The Spot Services ofrece un amplo catálogo de servizos deseñados
para activar o punto de venda a través dunha plataforma tecnolóxica propia, que
comezou desenvolvendo proxectos no terreo da música e que hoxe mellora a
experiencia dos consumidores con todo tipo de servizos de comunicación dixital
e de contidos audiovisuais, ferramentas de marketing
pensadas para que as empresas poidan comunicarse de xeito efectivo cos seus
clientes finais en todos os seus puntos de relación e cumprir os seus
obxectivos de vendas, fidelización e vinculación cos seus clientes
incrementando a rendibilidade. Actualmente está nun proceso de expansión
internacional, tendo actualmente como obxectivo a implantación en Brasil e
Arxentina.