TREDESS comercializará a partir de 2008 un Sistema de Marcado de Auga Dixital en Fotogramas

A comezos de 2008 a empresa santiaguesa TREDESS, unha das 14 que integran o Grupo Televés, comezará a comercializar en España e resto de Europa o Sistema de Marcado de Auga Dixital en Fotogramas.
O sistema é sinxelo, aínda que o seu desenvolvemento técnico precisou do traballo, a tempo completo, de sete persoas, tanto de TREDESS como do Departamento de Teoría de Sinal da Universidade de Vigo. Durante a gravación do vídeo, introdúcese unha marca, invisible para o ollo humano, pero que se pode autentificar mediante un software específico de visionado e análise.
A inserción da marca de auga garante, mediante a súa autentificación, que as imaxes gravadas non foron tratadas nin manipuladas. A marca non é visible para o ollo humano, nin deteriora a calidade da imaxe e TREDESS xa iniciou a solicitude de patentes, ademáis de en Europa, en Estados Unidos e Xapón.
Televés comercializará este sistema dende comezos de ano nos seus propios productos e non descartan que no futuro poida ser empregado por outras empresas.