Startup Congress Galicia enche Vigo de emprendedores, startups e investidores
xoves, 20 de abril do 2023
O
evento Startup Congress
Galicia vai reunir en Vigo, durante dous dÃas e a partir deste
xoves 20 de abril, a emprendedores, novas firmas innovadoras
(startups) e investidores. Farao co apoio de Zona Franca e con
máis de 700 persoas rexistradas de forma presencial, ademais das que
se conectarán a través de Youtube. Na apertura, participaron (na
mañá deste xoves) o delegado do Estado, David Regades; o alcalde de
Vigo, Abel Caballero; a presidenta da Deputación, Carmela Silva; e a
directora xeral de Emprendemento e Apoio ao Emprego, Margarita Ardao.
A
xornada desenvolverase cun completo programa con charlas con tres
salas simultáneas con relatorios, keynotes, entrevistas,
mesas de debate, pitches de investimento e entrega de premios
ás tres mellores firmas innovadoras. Amais, realizaranse charlas
sectoriais onde se debaterá entre actores de cada sector sobre o
futuro de diversas áreas.
Conta
ademais coa presenza de empresas como Stellantis, Cinfa, Gebro
Pharma, Visa, Mastercard, Cesmsa, Roberto Verino ou Grant Thortom.
Entre as Sartups estarán Trison, Velca, Efimob, Devo, Getlife ou
Ironchip.
Como
relatores destacan a Aquilino Peñal, de Kibo Ventures, Dora Casal de
Roberto Verino, Ricardo Muiños de Deloitte e a Luis Garay do fondo
Samaipata
Nas
mesas O futuro de.. debaterase sobre como será a industria
retallista, a banca, a saúde, a fraude e ciberseguridade, a
alimentación ou o turismo con representantes destacados destes
ámbitos que expoñerán en mesas de debate as súas visións sobre
os cambios que se produciron e estanse producindo.
Durante
a tarde do xoves e a mañá do venres as aceleradoras Viagalicia,
BFAero, BFAuto, Celta Labs, Abanca Innova, BFFood, High Tech Auto e
Connector Startp Accelerator presentarán as súas mellores empresas
aceleradas a un extenso grupo de investidores que poderán dispoñer
de espazos particulares para expoñer as súas necesidades e interese
para atopar capital e poder sacar adiante a súa idea.
Unha
das salas terá como contido máis de vinte obradoiros (workshops)
onde serán expostos (en formato de charlas curtas duns trinta
minutos) diversos temas de interese para as empresas, por exemplo o
mecenado tecnolóxico, as oportunidades e retos na nova Lei de
Protección ao Informante, o deseño dunha estratexia integral de
propiedade industrial nunha startup, como obter
financiamento sen equity para acelerar o noso negocio, como
acadar financiamento público, como acceder a investimentos europeos
ou como escalar unha startup,
O
congreso tamén acollerá este venres unha nova edición do evento
tecnolóxico-informal LaconNetwork, que este ano chegou a máis
de 1.000 asistentes rexistrados. O modelo está baseado en que
calquera pode organizar unha Lacon mensual na súa zona, baixo
dúas premisas moi simples: cada un pagará o seu en modo fondo común
e non se come sentado para propiciar o networking e a
mobilidade dos asistentes.