Spotify supera os 30 millóns de subscritores
martes, 22 de marzo do 2016
AÃnda que podemos levar a impresión de que os servizos de streaming musical perderon pulo por mor
de non da súa ausencia nos medios, a cousa parece ser ben diferente se
atendemos aos datos que vén de dar o director xeral e fundador de Spotify,
Daniel Ek, quen aproveitou a visita de Obama a Cuba para anunciar que o seu servizo
musical xa conta con 30 millóns de usuarios de pagamento, confiando en que
pronto poidan ter algún na illa que promete estar mellor conectada nos
vindeiros meses.
O pasado mes de xuño, antes do lanzamento de Apple Music, Spotify
dera conta de que tiña 20 millóns de subscritores, polo que non parece que
a plataforma musical de Apple, que conseguiu captar a 11 millóns de
subscritores, tivese un importante impacto, aÃnda que o máis rechamante é
comprobar como entre ambas plataformas conseguisen dobrar o número de
subscritores de servizos de música en streaming
en só 9 meses.
AÃnda que moitos artistas agora rexeitan incluÃr a súa música en plataformas
como Spotify durante as semanas de lanzamento dos seus álbums para non
prexudicar ás vendas en formato dixital, finalmente acaban pasando polo aro do streaming, polo que os usuarios non
atopan incentivos para abandonar a comodidade de plataformas como Spotify ou
Apple Music, incluso ante o pulo que están a tomar alternativas que empregan
como reclamo o catálogo de algúns artistas en exclusiva.