Sony tomará medidas contra as PlayStation 3 modificadas
mércores, 16 de febreiro do 2011
Sony Computer
Entertainment vén de facer unha
comunicación oficial sobre a polémica aparición de métodos que evitan as
medidas de protección da PlayStation 3 permitindo o uso de xogos non
orixinais e de software caseiro, o
que aseguran que viola as condicións da licenza do software de sistema da PS3 e
os termos de uso da PlayStation Network e Qriocity, polo que aseguran que
penalizarán estas prácticas invalidando a garantÃa das consolas modificadas e bloqueando permanentemente
o acceso á PlayStation Network.
Estas medidas xa as tomou no seu dÃa Microsoft coa Xbox 360, pero Sony non se
manifestara oficialmente sobre tal asunto, polo que agora instan aos seus
usuarios a regularizar a súa situación se queren continuar a acceder aos seus
servizos en liña.
Queda asà claro que dende Sony xa están a identificar as consolas que están a
reproducir software non oficial (non só prexudicial para a industria, senón
tamén lesivo para a experiencia de uso do xogo en liña, xa que están a
proliferar os xogadores trampóns que
modifican os seus xogos para ter vantaxes cando xogan en Rede).