Solución para ver pixelados os vellos videoxogos

Os afeccionados aos xogos retro e aos seus emuladores non están moi contentos cos televisores modernos, que incorporan numerosos filtros para evitar a aparencia pixelada das súas imaxes, que curiosamente é o que se busca ao gozar de vellos títulos, de aí que varias persoas se unisen para desenvolver o SLG 3000, unha placa de circuítos que podemos conectar entre a nosa consola de videoxogos e o televisor creando scanlines artificiais, de xeito que un moderno televisor en alta definición amosará píxeles coma puños na súa pantalla, coma se estivésemos ante un vello televisor de tubo.
O SLG 3000 pode mercarse sen carcasa por 48,95 euros (66 euros con carcasa), e permite realizar distintos axustes para conseguir unha boa visualización con distintos sinais achegados por VGA con resolucións de entre 640 x 480 e 1.600 x 1.200 píxeles.