SmartPEME afronta a recta final de maio con cinco novos obradoiros TIC
luns, 22 de maio do 2023
A
Deputación
de Pontevedra, a través do programa de capacitación tecnolóxica
SmartPEME, oferta esta semana (do 22 ao 26 de maio) cinco novas
accións formativas, enmarcadas na súa carteira de obradoiros e
encamiñadas á transformación dixital das pemes e persoas autónomas
da provincia. As accións tratarán temas como o ramsonware
e a suplantación de identidade en ciberseguridade, o debuxo 3D con
Onshape III - PartStudio III, a fabricación dixital a través de
Laminador Cura I, as obrigas fiscais dun establecemento comercial ou
o aproveitamento do Instagram nas vivendas turÃsticas.
Este
luns 22 de maio, Manuel Freire, experto en Robótica, programación e
impresión 3D, será o encargado de impartir o curso Ciberseguridade,
ramsonware e suplantación de identidade. O
obxectivo deste obradoiro é dar a coñecer o ransomware,
en que consiste e como afecta, asà como presentar as múltiples
formas de suplantación de identidade e como protexernos das mesmas.
Este
martes 23, ás 11 horas, está programado o obradoiro Fabricación
dixital. Debuxo 3D con Onshape III – Partstudio III, onde o
público asistente verase implicado no proceso de fabricación
dixital dun xeito teórico e práctico da man de Manuel Freire, co
gallo de ser capaz de deseñar unha peza en 3D.
O
mércores 24, na quenda de mañá, Paz Ares, licenciada en Ciencias
Económicas e Empresariais, impartirá o obradoiros Obrigas
fiscais dun establecemento comercial no que afondará no sistema
tributario español, os tributos, o seu funcionamento e a súa
xestión dende a perspectiva dun establecemento comercial. Na quenda
da tarde, Patricia Cabaleiro, postgraduada en Turismo, impartirá o
taller Como sacarlle partido ao Instagram da miña vivenda
turÃstica, a través do cal se proporcionarán os coñecementos
precisos para chegar a máis clientes a través desta rede social.
Finalmente
o xoves 25 de maio impartirase o obradoiro Fabricación dixital.
Laminador cura I, onde Manuel Freire continuará achegando
formación mixta para lograr o deseño dunha peza en 3D.