Skype abandonará os televisores
martes, 8 de marzo do 2016
Para facilitar
o acceso á videoconferencia no ámbito doméstico, Microsoft adaptou o seu Skype
a numerosos televisores, de xeito que resultaba doado establecer conversas en
vÃdeo no salón e, de feito, esa era unhas funcionalidades estrela que
facilitaba o Kinect da Xbox, pero este tipo de experiencia non parece ter
encaixado entre o público, de xeito que o normal á hora de conversar por Skype,
incluso no salón, é empregando dispositivos móbiles, o que levou a Microsoft a
anunciar que daba a batalla de levar Skype ao televisor por perdida, de xeito
que a
partires do vindeiro mes de xuño a aplicación de Skype para televisores deixará
de estar soportada.
Esta decisión supón que a aplicación de Skype para televisores deixará de
recibir actualizacións, polo que a dispoñibilidade do servizo para os distintos
televisores dependerá principalmente dos seus fabricantes, xa que está na súa
man decidir se eliminan Skype das súas tendas de aplicacións a partires de xuño
ou conservan a aplicación (que deberÃa poder continuar a usarse sen problemas
durante bastante tempo, aÃnda que sen poder gozar de prestacións novas).