Segue aberto o prazo das axudas destinadas a incorporar as TIC nas empresas

O Conselleiro de Innovación e Industria, Fernando Blanco, aproveitou a presentación da nova web da campaña en prol do galego na rede, maisinternetmaisgalego.com (este mesmo mediodía) para lembrar que o prazo para concorrer a dúas ordes de axuda da Consellería, publicadas recentemente no DOG, fica aínda aberto.
Ditas axudas van orientadas a incorporar as tecnoloxías da información e da comunicación nas pequenas e medianas empresas (pemes) da nosa terra, incentivar a difusión e formación no movemento asociativo e favorecer o desenvolvemento dos produtos, equipamento e empresas do sector da Sociedade da Información. O orzamento é de 4,2 millóns de euros.