Ryanair permite que as webs accedan ás súas tarifas só para facer comparacións

A aeroliña de baixo custo que máis está a loitar para que outras páxinas webs non revendan os seus billetes por Internet (e evitar así unha posible estafa dos seus clientes), vén de anunciar que lle permitirá o acceso aos seus cadros de horarios e información de tarifas a aqueles sitios baseados só “na comparación de prezos”, que unicamente comparen as tarifas máis baixas garatidas de Ryanair coas tarifas e os recargos de combustible de outras compañías aéreas da competencia.
É por isto que a compañía de voo vai introducir un acordo de licenza no que, por unha doazón anual de 100 euros (que disque “vai ser destinada á caridade”), autorizaralle aos sitios web de comparación de tarifas, comprobar a dispoñibilidade de prazas e adquirir información de interese para o consumidor, que logo deberá entrar na web da compañía para adquirir o seu billete.
A aeroliña inglesa seguirá prohibindo a revenda de billetes aos sitios web que “estafan” aos consumidores ofrecendo vóos de Ryanair con prezos inflados, e nalgúns casos con sobrecargas ficticias, nembargantes, celebra a volta das súas tarifas máis baixas garantidas permitíndolle aos sitios web de comparación de prezos que cataloguen as súas tarifas.