Rubiales quixo silenciar a Wikipedia
xoves, 24 de agosto do 2023
- Na entrada de Luis Rubiales na Wikipedia recollen un apartado enteiro dedicado ás controversias do presidente da RFEF
Esta semana o
foco informativo en España estaba situado moi especialmente na figura do
presidente da Real Federación Española de Fútbol (RFEF), Luis Rubiales, por mor
do seu comportamento durante a final do Mundial de Fútbol Feminino, pero o que
non se esperaba é que este escándalo sacase á luz unha face tecnolóxica dos problemas
de reputación de Rubiales, xa que vén de transcender que chegou
a demandar ante os tribunais a Wikipedia o pasado mes de decembro tras
detectar que na enciclopedia libre recollÃan na súa ficha referencias aos distintos
escándalos relativos ás negociacións da Supercopa.
Rubiales esixe a retirada da información divulgada que, ao seu criterio,
desprestixia á reputación da RFEF, ao que dende a Wikipedia responden que eles
non exercen control editorial como un medio de comunicación convencional, senón
que é a comunidade a que publica os contidos en base a fontes que consideran
fiables, neutrais e ben fundadas.
AÃnda que Rubiales queira facer desaparecer as referencias aos seus negocios
ocultos, a información publicada orixinalmente por El Confidencial parece
bastante ben fundamentada (chegando a ser considera veraz en sede xudicial),
polo que a demanda contra a Wikipedia parece buscar simplemente reducir a visibilidade
dunha información que contribúe á mala
imaxe pública de Rubiales, aÃnda que parece razoable pensar que, tras os feitos
acontecidos nos últimos dÃas, esta reclamación non continúe adiante.