Rubén Bastón impartirá en Compostela un curso sobre a figura do xestor de comunidades
mércores, 8 de xaneiro do 2014
A
Asociación Galega para a Formación do Sector Publicitario, AGAFPU,
vén de informar dunha actividade de seu de especial interese para os
profesionais das novas tecnoloxÃas. Falamos do Curso
de Community Manager,
que se vai desenvolver na sede da asociación, en Santiago, os sábados 25 de
xaneiro e 1, 8 e 15 de febreiro en horario de 10 a 14 horas e
contando co galego Rubén Bastón (Bueu, 1982), un dos profesionais
máis representativos da publicidade e a mercadotecnia dixital do
panorama estatal e internacional, en labores de docencia.
Lembrar
que Bastón foi nomeado
hai tres anos anos director de Medios Sociais de Elogia (empresa
referencial das novas metodoloxÃas de promoción corporativa),
converténdose daquela no directivo
máis novo da historia da compañÃa. Recordar
tamén que Bastón é licenciado en Xornalismo pola Universidade de
Santiago con especialización en Xornalismo Electrónico e
Comunicación Audiovisual, e ademais é Experto en Redes Sociais pola
Escola Superior de Marketing de Barcelona. Amais, ten colaborado
en publicacións como o Libro Branco dos medios sociais ou Web
2.0 e empresa: manual de aplicación en ámbitos competitivos.
Segundo
informa AGAFPU, a figura do
community
manager
é unha das máis demandadas no mercado empresarial dos nosos dÃas.
De feito, engade a plataforma, a xestión da comunicación nas redes
sociais e o aproveitamento dos seus recursos converteuse nunha
prioridade para as marcas, xa que diso depende na actualidade a súa
imaxe e prestixio, convertendo esta disciplina en imprescindible para
calquera axencia, xornalista o responsable de mercadotecnia. Un
community
manager,
para entendérmonos, é o responsábel
dun colectivo determinado en
liña que actúa como auditor da marca nos medios sociais e que é a
persoa encargada de soster, acrecentar e defender as relacións da
empresa cos seus clientes no ámbito dixital.