Retegal reforza as súas infraestruturas en Lugo para avanzar na implantación da banda larga
luns, 2 de agosto do 2010
O operador público de
telecomunicacións Retegal está a desenvolver un importante plan de reforzo das
súas infraestruturas na provincia de Lugo, segundo o previsto nunha das liñas
estratéxicas do Plan de Banda Larga 2010-2013, que contempla entre as súas
accións fundamentais a dotación de máis medios a Retegal converténdoo nunha
ferramenta que permita optimizar e acelerar a extensión da banda larga. Esta
medida permitirá o aproveitamento de toda a infraestrutura pública actual e a
redución dos custos do despregamento e suporá un
investimento para reforzar as infraestruturas de Retegal na provincia luguesa superior
aos 7,7 millóns de euros no perÃodo 2010-2013, o que supón o 23% dos
investimentos totais previstos pola Xunta na Comunidade para esta acción
concreta do Plan de Banda Larga 2010-2013.
A principal liña de investimento
desta actuación será o tendido de máis de 200 novos quilómetros de fibra óptica
para unir diversos centros de telecomunicacións de Retegal distribuÃdos pola provincia de Lugo e que
permitirá a conexión destes á alta velocidade. Estes centros uniranse tamén co
resto dos 400 centros e microcentros de telecomunicacións de Retegal en toda
Galicia mediante radioenlaces.
Outras liñas de
investimento que se están a realizar implican a execución de novos centros de
telecomunicacións ou o reforzamento dos existentes, construÃndo novas torres,
dotándoos de sistemas de alimentación eléctrica ou acondicionando as
instalacións á fin de poder prestar servizos de telecomunicacións axeitados.
Sobre esta infraestrutura fÃsica se está a constituÃr tamén unha rede de
transmisión de alta velocidade mediante tecnoloxÃas de última xeración (MPLS e
WDM), con taxas de transferencia de 10 GB entre localizacións de Retegal.
