Remata o contencioso administrativo impulsado polos colexios de Informática contra o CSIC
venres, 24 de xaneiro do 2014
Segundo nos informa o
Colexio Profesional
de Enxeñaría en Informática de Galicia (CPEIG), finalmente
atopouse solución para o contencioso administrativo interposto polo
Consello Xeral de Colexios de Enxeñaría en Informática (CCII, no
que se integra dende a nosa terra o CPEIG) contra o Centro Superior
de Investigacións Científicas (CSIC). Este procedemento aberto a
instancias do CCII, como lembraremos, veu dado por terse sacado a
concurso dende o CSIC unha praza de competencias eminentemente
informáticas excluíndo aos titulados en Enxeñaría Informática. O
CSIC anulou finalmente proceso de selección.
Recordar que o recurso
aberto polo Consello Xeral de Colexios Profesionais de Enxeñaría en
Informática (CCII) realizouse a través do Xulgado Central do
Contencioso-Administrativo da Audiencia Nacional por mor dunha
convocatoria de praza laboral no CSIC (Centro Superior de
Investigacións Científicas), onde as competencias requiridas para a
ocupación da devandita praza coinciden coas adquiridas polos
profesionais da Enxeñaría Informática nas Universidades Españolas.
Porén, entre as titulacións universitarias superiores esixidas para
optar á devandita praza non figuraba a devandita, o que foi
considerado dende o Consello Xeral “incomprensíbel e inasumíbel”.
A vista fixouse para ou
pasado 15 de xaneiro de 2014, non chegando a celebrarse a mesma por
“desaparición do obxecto do procedemento", ou sea, por ter
anulado o CSIC a convocatoria do posto de traballo obxecto do
recurso. Desde o Consello Xeral congratúlanse da decisión tomada
polo CSIC e da súa capacidade para recapacitar nun problema que
afecta a toda a profesión informática no Estado.