Redsinfronteras.org redeseña o seu sitio, facéndoo moito máis intuitivo e dinámico
xoves, 2 de abril do 2009
A Fundación Redsinfronteras.org, creada polo
Grupo Gowex hai xa cinco anos para levar Internet ás zonas do mundo onde a
cobertura é inexistente, vén de redeseñar o seu sitio web, creando unha interface onde os
usuarios poden, entre outras moitas cousas, acceder á información de xeito
moito máis rápido e sinxelo.
O novo deseño inclúe contidos sobre as distintas
accións que leva a cabo a Fundación, incluíndo vídeos, formularios para facerse
voluntario ou información detallada sobre os obxectivos que persegue a entidade,
entre o que destaca o compromiso de conseguir que a eficiencia das
telecomunicacións “represente o antes
posible un ben básico e de primeira necesidade para todos”, deixando de ser
un “servizo de luxo” para
determinadas áreas da poboación.
Jenaro García, presidente do Grupo Gowex,
asegura que a intención principal desta ferramenta é “conseguir que as telecomunicacións cheguen a toda a poboación de xeito
libre, xeralizado e eficiente”.
O novo deseño da web, moito máis intuitivo e
dinámico, encaixa á perfección con esta premisa.