R suma 270 inmóbeis da Pobra do Caramiñal á súa nova rede de fibra óptica
martes, 14 de decembro do 2021
O
operador R vén de facer un novo balance dos seus traballos de
despregadura na Pobra de Caramiñal, orientalos a incrementar o
número de vivendas e empresas que contan coa fibra óptica avanzada
que subministra a compañía de orixe galega, con todos os servizos
que esta tecnoloxía pon en xogo: accesos de até 10 Gbps simétricos
(de suba e de baixada), Wi-Fi 6 e TV con deco Android 4K sen ningún
custe adicional. R sinalou que 270 novos inmóbeis dos núcleos de
Ponte e Cabío teñen á súa disposición a dita tecnoloxía: 86
fogares e negocios en Ponte, e 184 en Cabío respectivamente.
A
estas unidades dotadas con Internet de velocidade ultrarrápida
súmanse os traballos análogos despregados previamente na Lomba, A
Ponte Barbanza, Atalaia, Agros ou Mirandela. A previsión da compañía
é de que “cando rematen as despregaduras enmarcadas no vixente
Plan Avanza no que R traballa arestora, arredor de 4.200 fogares e
negocios teranse unido xa á súa modernísima rede de fibra no
concello da Pobra do Caramiñal”, pois aos conectados na contorna
do Plan Avanza haberá que sumarlles os activados a raíz doutros
desenvolvementos de rede que R vén realizando no municipio dende hai
anos.
Este
e outros desenvolvementos de rede na provincia de Pontevedra forman
parte dun dos tres proxectos do Plan PEBA-Avanza do Ministerio de
Asuntos Económicos e Transformación Dixital dos que R resultou
adxudicataria en 2018 para despregar a tecnoloxía FTTH en 512
núcleos de Galicia que non dispuñan de alta velocidade ata o
momento (as chamadas “zonas brancas”). No desenvolvemento do tres
plans investirase un total de 10M€, dos cales preto de 8M€ son
subvencionados polos fondos FEDER da Unión Europea. En concreto, os
traballos de fornecemento tecnolóxico na Pobra do Caramiñal
enmárcanse no proxecto destinado á extensión de redes de nova
xeración en 162 núcleos de concellos do centro-oeste de Galicia
(norte de Pontevedra, sur da Coruña e oeste de Lugo); o investimento
total neste caso é de 3,58M€.