PuntoGal contribúe á dixitalización de negocios co programa Abre na Rede
mércores, 29 de abril do 2020
PuntoGal, en colaboración con
Dinahosting e Cdmon, lanza o programa
Abre na Rede!, dirixido a empresas e autónomos afectados polo cesamento
obrigatorio da súa actividade debido á crise sanitaria causada polo COVID-19. O
proxecto consiste nun lote cun dominio .gal e aloxamento web, de balde durante
un ano. Con esta medida, o dominio quere axudar no proceso de dixitalización
dos sectores máis afectados pola pandemia: hostalarÃa, comercios, turismo ou
cultural, entre outros.
Abre na Rede! é unha ferramenta que posibilitará aos autonómos e
pequenos negocios que non dispoñan de actividade na Internet acceder sen custo a un dominio e
aloxamento web durante o primeiro ano. Para beneficiarse desta iniciativa é preciso
cumprir coas condicións da promoción, e o número de dominios dispoñibles é
limitado, polo que as peticións se atenderán por orde de chegada.
O director xeral de PuntoGal, DarÃo Janeiro, sinalou que «esta
crise aféctanos a todos, e todos debemos colaborar na súa solución. Por iso, dende
o dominio queremos botar unha man para axudar aos comercios locais, bares,
restaurantes ou salas de concertos que non poden abrir, asà como aos músicos ou
artistas que non poden actuar, a abrir unha fiestra na Rede na que poder seguir
comunicándose cos seus clientes ou ofrecendo os seus servizos». «É importante
axudar neste momento e tanto desde PuntoGal como desde os rexistradores que se
sumen a este iniciativa queremos poñer nas mans do tecido económico máis
afectado ferramentas para aliviar un pouco os efectos do confinamento e xerar
novas oportunidades», engadiu.