Publican as especificacións do Bluetooth 3.0

A versión final das especificacións para o protocolo de comunicación sen fíos Bluetooth 3.0, que mellora a velocidade de transmisión de datos e reduce o consumo enerxético, permitindo que aplicacións que ata o momento non facían uso do Bluetooth pola súa reducida velocidade (como para a sincronización de contidos multimedia) poidan agora optar por esta tecnoloxía, xa que combina o Bluetooth con comunicacións Wi-Fi mediante o protocolo 802.11 PAL, que permite velocidades de ata 24 Mbps.
Teoricamente sería posible actualizar algúns dispositivos Bluetooth 2.1 á versión 3.0 (especialmente se contan con Wi-Fi) pero non parece que os fabricantes vaian apostar por tal opción, de xeito que haberá que agardar 9 ou 12 meses para comezar a ver nas rúas dispositivos que fagan uso do novo protocolo de comunicación.