Prosegue o itinerario pola nosa terra da mostra multimedia sobre Lois Pereiro
xoves, 26 de maio do 2011
Lois Pereiro, o poeta de Monforte recentemente
homenaxeado no DÃa das Letras Galegas, segue a ser fonte e xermolo de todo tipo
de accións culturais e conmemorativas da nosa lingua e a nosa cultura, algunhas
delas directamente relacionadas coas cuestións que artellan esta web: as novas
tecnoloxÃas da información. Segundo nos informa o selo discográfico e editorial
Ouvirmos dende o seu portal,
Pereiro é o protagonista dunha instalación multimedia itinerante arestora aÃnda
en activo e na que se poñen en xogo diversos recursos tecnolóxicos para
favorecer o achegamento da mocidade á figura do poeta. A exposición, da que xa falamos
nesta web, prosegue agora o seu periplo.
A mostra componse entre outras cousas dunha
pantalla multitáctil de 56 polgadas que presenta un programa interactivo e dinámico
sobre a vida e a obra do autor de Conversa
Ultramarina. Asemade, inclúe un muro vertical con dúas pantallas
incrustadas sobre o que se visualiza a liña temporal do escritor.
Tras pasar por Lugo, a exposición pode agora
visitarse no IES RÃo Cabe de Monforte. Máis tarde, chegará ás bibliotecas
nodais das principais vilas da nosa terra e institutos de Secundaria
seleccionados. Para saber máis sobre o obxectivo e os itinerarios da exposición,
cómpre visitar o espazo habilitado en Facebook.