Prohiben TikTok nos móbiles gobernamentais de Canadá
martes, 28 de febreiro do 2023
A presidenta da
Xunta do Tesouro de Canadá, Mona Fortier, emitiu
un comunicado anunciando a prohibición da aplicación móbil TikTok nos dispositivos
móbiles do Goberno argumentando motivos de seguridade. Esta medida de
precaución, xa que os dispositivos móbiles almacenan información sensible, e
consideran que a aplicación de TikTok emprega métodos de recolección de datos
cun nivel considerable de acceso aos contidos do teléfono.
Salientan que non hai ningunha evidencia de que houbese información gobernamental
comprometida por mor de TikTok, pero son firmes ao asegurar que o risco desta
aplicación está claro, de aà que hoxe borrarán a aplicación dos móbiles
gobernamentais, e establecerase un bloqueo para que os usuarios non poidan
descargar a aplicación no futuro.
Mona Fortier asegura que «para o público xeral a decisión de usar unha
aplicación ou plataforma de redes sociais é unha decisión persoal», ou sexa,
que non prohiben TikTok en Canadá, pero dan a entender que os usuarios teñen
que coñecer os perigos que supón o uso de aplicacións deste tipo.