Prognostican unha suba do 4% nas vendas de produtos tecnolóxicos
luns, 7 de xaneiro do 2013
A industria TIC comeza o ano con bo pé. Ou iso
parece. Ou, mellor dito, iso nos contan dende Consumer Electronics
Association (CEA), que no seu máis recente informe prognostica que o
gasto en produtos tecnolóxicos, a nivel mundial en 2013, acadará os
1,1 billóns de dólares,
o que significa un catro por cento máis ca no ano que vimos de
deixar atrás. Os grandes culpábeis disto serán, como é de
supor, os tablets e os smartphones, que serán quen de
turrar, eles sós, da recuperación de todo o sector: tanto a nivel
de vendas de aparellos como no potencialmente rico ámbito de
desenvolvemento de aplicacións. Deste xeito, agárdase que ao longo
deste ano o mercado tecnolóxico medre nos paÃses emerxentes até
nun 9 por cento, e nos desenvolvidos un 1 por cento.
Calcúlase que as vendas de teléfonos móbiles
smartphones producirán máis de 330.000 millóns de dólares
en 2013, e 87.000 os tablets. Para facérmonos unha idear da
demanda que hai destes aparellos en paÃses como Estados Unidos,
estÃmase que en 2013 haberá un tablet en catro de cada dez
fogares estadounidenses. Segundo se fai saber no informe, a clave de
todo este crecemento está en algo tan sinxelo e definitivo como a
baixada nos prezos. Ou sexa, que se incrementou a oferta de trebellos
e os prezos baixaron, proceso de que saÃmos beneficiados os
usuarios.