Primux Tech anuncia as melloras que incorporará aos seus smartphones en 2014

O fabricante de smartphones e tablets ourensán Primux Tech, tras fornecer un completo catálogo de dispositivos en 2013 anuncia que para o presente ano ten previsto incorporar aos seus terminais novas prestacións atendendo ás demandas do mercado, o que supón que non abandonarán as funcionalidades actuais como o soporte de dúas tarxetas SIM á vez, o Bluetooth 4.0 ou o Wi-Fi N.
Entes as aspiracións de Primux está o incorporar ao seu catálogo móbiles con conectividade 4G, integrar as novas pantallas OGS (One Glass Solution), facilitar as actualizacións dos dispositivos mediante OTA (Over The Air), incluír procesadores de 8 núcleos na meirande parte de terminais e incluír NFC, de xeito que estes smartphones de prezo axustado poderán facer gala das últimas tecnoloxías.