Preto da metade das PEME estatais non tira partido das ferramentas dixitais para promoverse
xoves, 7 de maio do 2015
As novas empresas
invisten en comunicación e mercadotecnia en liña dende o primeiro
intre en que deixan de ser ideas ou proxectos para convertérense en
empresas. E fano contratando a un profesional especÃfico para estes
cometidos ou ben a través dunha axencia. No outro extremo sitúanse
as pequenas e medianas empresas que non son novas nin están ligadas
a ámbitos claramente innovadores. Aproximadamente
a metade destas non conta con nada do devandito: nin apostan por
ter un profesional que se adique á comunicación e á mercadotecnia
en liña nin delegan estes servizos noutra empresa. Estes e outros
datos aparecen reflectidos nun estudo de Oak
Power que fixo público os pasados dÃas a axencia EFE.
Na investigación, sinala
Oak Power, participaron 300 empresas con menos de 250 traballadores e
un volume de negocio anual inferior a 50 millóns de euros. O informe
sinala que o 45% das firmas enquisadas non conta aÃnda con
departamento propio que se encargue de xestionar as devanditas áreas.
No que se refire a ferramentas TIC, o 43% das empresas afirmou que no
seu negocio non hai un profesional que xestione e se ocupe de maneira
especÃfica da mercadotecnia en liña. Segundo engaden os
responsábeis da investigación, só o 54% das entidades estudadas
asegura estar presente nas redes sociais. Entre os motivos principais
desta non concorrencia sitúanse os seguintes: supoñen un custo
engadido (31%), non as consideran necesarias para a súa actividade
(21%), actualizalas require demasiado esforzo en comparación co
beneficio que ofrece (19%) ou consideran que pode resultar
contraproducente para a súa actividade (17%).