Preparan o lanzamento dun Groupon á galega
xoves, 28 de xullo do 2011
- Buydeal xa conta cun formulario para inscribirse no caso de estarmos interesados no servizo
Nos
últimos meses/anos están a revolucionar as plataformas de compra privada e os servizos de descontos (como Groupon), e este último concepto quere agora
trasladarse a Galicia baixo o nome de Buydeal,
espazo virtual que busca recoller as mellores ofertas locais de
restauración, ocio e aventura para “gozar
ao máximo do tempo de lecer a prezos superreducidos”, polo que convidan aos
interesados a inscribirse un servizo de notificación indicando a cidade galega
na que se vive para avisar cando o servizo estea operativo.
Esta andaina leva uns meses iniciada, e está a piques de chegar ao seu
lanzamento público, perseguindo un dobre obxectivo: dar a coñecer as
posibilidades das nosas cidades con interesantes ofertas diarias e construír
unha plataforma de promoción do comercio de proximidade.
Está proxectado que durante o terceiro trimestre do ano Buydeal bote a andar en
3 cidades galegas.