Premio Enxeño 2019 pola promoción e difusión das telecomunicacións
luns, 27 de xaneiro do 2020
O pasado venres o Colexio Oficial de Enxeñeiros Técnicos de
Telecomunicacións de Galicia (COETTGA)/Asociación Galega de Graduados e
Enxeñeiros Técnicos de Telecomunicación (AGGETT) celebrou
o seu primeiro ForoTelecos en Vigo, xornada na que desenvolvéronse varios
relatorios e presentacións que concluíron coa entrega dos primeiros Premios
Enxeño, nos que salientaron o traballo da AMTEGA, a Área de Telecomunicación do
Corpo Nacional de Policía e Televés, como entidades, ao mellor expediente académico,
ao Enxeñeiro do Ano, ao Enxeñeiro Senior e tamén un galardón a Marcus
Fernández, pola difusión das telecomunicacións e polo achegamento á sociedade
das TIC, premio que entendemos que serve en boa medida para recoñecer o
traballo desenvolvido durante preto de 19 anos dende Código Cero, publicación
que dende a Internet e a súa edición impresa busca comunicar en galego sobre
tecnoloxía e tamén quere centrar o foco sobre o sector TIC galego, do que o COETTGA
é unha boa mostra.
Queremos agradecer o galardón recibido polo Colexio e a Asociación, que
salienta un traballo que non podería ser posible sen o apoio de numerosas
entidades e profesionais durante todos estes anos, así como dun nutrido colectivo
de lectores que demostran que existe unha demanda de información sobre as TIC
na nosa lingua.