Portocabo remata a rodaxe de Rapa, que se estrea en Movistar Plus en 2023
venres, 16 de decembro do 2022
A
segunda tempada de Rapa,
serie galega orixinal da plataforma Movistar Plus, finalizou a súa
rodaxe en Ferrol. Estrearase no dito servizo de streaming da
operadora Movistar en 2023. Creada por Pepe Coira e Fran Araújo, e
dirixida por Rafa Montesinos e Marta Pahissa, está protagonizada por
Javier Cámara e Mónica López. Este thriller criminal
converteuse coa súa primeira entrega na mellor estrea de ficción da
tempada en Movistar Plus.
A
serie, producida en colaboración coa empresa galega Portocabo,
arrincou a súa rodaxe en setembro en diferentes localizacións, como
Ferrol, Valdoviño, Fene, Cedeira, Narón e Ortigueira. O proxecto
conta co apoio do Hub Audiovisual da Xunta financiado polo Fondo
Europeo de Desenvolvemento Rexional (FEDER) dentro do Eixo REACT-UE.
Esta tempada contou con máis de 100 profesionais de media en rodaxe,
na súa gran maiorÃa galegos, e máis de 500 extras. Ademais, é a
primeira vez que se puido rodar no Arsenal Militar de Ferrol. A nota
tempada inclúe novamente media ducia de episodios.