Portocabo agarda repetir o éxito de Rapa en Movistar Plus+ coa súa segunda tempada
martes, 30 de agosto do 2022
Malia
que xa se viña anunciando dende hai meses, este 30 de agosto deuse a
confirmación definitiva á segunda tempada da serie galega Rapa
(Portocabo) para a
plataforma de streaming Movistar Plus +. Segundo avanzaron
este martes o conselleiro de Cultura, Román RodrÃguez, e máis o
director da axencia autonómica AGADIC, Jacobo Sutil, os dÃas
vindeiros materializarase o regreso a Ferrolterra do equipo comandado
pola produtora galega Portocabo para a filmación dos novos episodios
cos que se agarda repetir o éxito da primeira entrega.
Tamén
confirmaron (nunha xuntanza con Alfonso Blanco, director xeral da
produtora), que a segunda temporada da serie será apoiada
novamente pola Xunta a través do fondo de atracción de rodaxes do
Hub Audiovisual con 300.000 euros.
Desta
volta, agárdase superar as cifras acadadas pola primeira temporada
de Rapa, cuxo gasto na nosa Comunidade situouse arredor dos
4,2 millóns de euros, investimento que á súa vez implicou un
retorno económico directo e indirecto de 5,6 millóns de euros e a
creación de 85 empregos en termos equivalentes anuais.
Creada
por Pepe Coira e Fran Araújo, o primeiro paquete de capÃtiulos de
Rapa converteuse na mellor estrea da temporada en Movistar Plus+.
A cidade de Ferrol será o escenario principal desta nova entrega da
serie, que volverán protagonizar Mónica López, como Maite, e por
Javier Cámara, como Tomás.
Con
esta adxudicación, a segunda temporada da serie convértese no
terceiro proxecto beneficiario da segunda convocatoria do fondo para
a captación de rodaxes, sumándose á tamén segunda temporada da
miniserie Operación Marea Negra, de Ficción Producciones
para Prime Video, e mais ao filme Amigos hasta la muerte, das
produtoras Undodez e Medio Limón, que xa se están a gravar en
distintas localización galegas. Na primeira quenda, as propostas
adxudicatarias foron Argonautas e a primeira entrega de Rapa,
ambas de Portocabo; Hasta el cielo, de Vaca Net TV, e 13
exorcismos, de Bambú Producciones.