Pontevedra e o Foro PontEmprende encherán a Rede de webinars sobre transformación empresarial
mércores, 15 de xullo do 2020
A
COVID19 transformou para sempre o panorama formativo, facendo avanzar
a aprendizaxe a distancia e as ferramentas que a fan posíbel, e
incidindo, tamén, en temáticas de especial interese para facer
fronte ás consecuencias económicas e sociais da emerxencia
sanitaria. Temáticas como mercadotecnia online, emprendemento,
intelixencia comercial e emocional ou neuromarketing. Esta
é a cerna do novo Foro PontEmprende, que regresa en formato de
webinars con relatores de áreas ben diversas pero
complementarias: as diferentes facianas da innovación empresarial.
O
obxectivo é que as vídeo-conferencias previstas conecten ao cen por
cen coas necesidades reais e actuais das pemes e dos autónomos.
O
foro, organizado polo Concello de Pontevedra, brindará “un espazo
de encontro virtual entre emprendedores e expertos formadores e
profesionais experimentados”, achegando un alicerce firme para
entender a dimensión dos cambios que se produciron e “potenciar
unha actitude de reacción inmediata para favorecer ao comercio local
e ás pequenas empresas da nosa contorna”.
PontEmprende
vaise desenvolver desde o luns 20 de xullo ata o xoves 6 de agosto
con vídeo-conferencias diarias (de luns a venres), en horario de
15:30 a 16:30 horas.
As
persoas que non poidan asistir nas datas e horarios previstos, terán
a oportunidade de ver estes webinars en diferido, dado que se
gravarán e se publicarán na plataforma E-ponte, que está
actualmente en proceso de construción.
Este
programa de relanzamento empresarial está impulsado polo Concello de
Pontevedra, a través da Concellaría de Promoción Económica e
Turismo, que dirixe a socialista Yoya Blanco, polo que os relatorios
que se ofrecen son totalmente gratuítos para autónomos, pemes e
futuros emprendedores (que deberán inscribirse con antelación a
través do teléfono 986 86 39 49 ou por Whatsapp no 619 217 218).
O
programa de PontEmprende 2020 será o seguinte:
·
Luns 20 de xullo. Manuel Conde: Empeza por trans-formarte.
Fortaleza Emocional para emprendedores en tempos de crise.
·
Martes 21 de xullo. Fernando S. Salinero: Comprender o cambio e
aproveitar o cambio.
·
Mércores 22 de xullo. Jaime Barriero: A mellor idea, se
non vende, nace morta.
·
Xoves 23 de xullo. Silvia Guinart. Principios básicos de
Neuromarketing.
·
Venres 24 de xullo. David Iglesias. O que atende e entende… Máis
vende!
·
Luns 27 de xullo. Pepe Cabello. As 10 mellores habilidades dos
emprendedores de éxito.
·
Martes 28 de xullo. Josúe Gadea. Aprendendo a vender por valor,
non por prezo.
·
Mércores 29 de xullo. Carmen Lafuente. Intelixencia financeira
nas empresas.
·
Xoves 30 de xullo. Roberto Pérez Marijuán. Deixa de vender,
consegue que che compren. Fundamentos probados de Neuromarketing.
·
Venres 31 de xullo. Eduardo Méndez. Comunicación emocional
consciente. Cara a unha venda eficaz.
·
Luns 3 de agosto. Diego Palomares. A creatividade empresarial para
o comercio.
·
Martes 4 de agosto. Mª Carmen Fuentes. Emprendemento e
financiamento.
·
Mércores 5 de agosto. Javier Rivas. Xestión do tempo para
aumentar resultados.
·
Xoves 6 de agosto. Pepe Cabello. Claves para aumentar resultados.