Pontevedra adxudica o contrato para deseñar a app do transporte a demanda
mércores, 14 de outubro do 2020
O
Concello
de Pontevedra adxudicou finalmente o contrato para deseñar a
aplicación informática que rexerá o transporte a demanda do termo
municipal. A encargada de materializar a ferramenta será a
alianza empresarial Demesix Sicom Zitycard, que contará cun
orzamento de 266.587,20 euros e un prazo de execución de 21 meses.
A
portavoz do Goberno e concelleira de Réxime Interior, Anabel Gulías,
asegurou que “damos outro pasiño máis na xestión do que
esperemos que sexa a revolución do transporte no Concello de
Pontevedra”. Para estes traballos presentaran ofertas dúas
empresas e coa resolución da adxudicación dáse luz ver ao deseño
da aplicación informática que vai establecer como funcionará o
servizo de transporte público a demanda.
A
edil lembrou que esta adxudicación súmase á feita pública os días
pasados relativa ao estudo e proposta de viabilidade e sostibilidade
da explotación dun servizo de transporte colectivo a demanda. O
obxectivo é, segundo lembrou Anabel Gulías, “ter deseñado o
funcionamento do proxecto de transporte a demanda no presente
mandato”.