Pont-Up Store 2022 contará con 40 empresas, unha trintena de actividades e un escape room
luns, 12 de setembro do 2022
O
Campus Crea de Pontevedra (UVigo) presentou este luns 12 de setembro
o programa da nova edición do evento de emprendemento innovador
Pont-Up Store: unha
convocatoria de recuperación postCOVID centrada en axudar ás
novas empresas galegas a desenvolver competencias que lles permitan
madurar os seus emprendementos e iniciar o camiño da
internacionalización. O encontro arrancará en Pontevedra este mes
de setembro dentro con actividades previas en distintos espazos da
cidade e abrirá a carpa da praza de España o venres 23 e sábado 24
con preto de 40 modelos de negocio que “destacan pola innovación,
a creatividade e a sustentabilidade”, en palabras do Campus Crea.
Na
presentación participaron Yoya Blanco Rial, concelleira de Promoción
Económica e Igualdade do Concello de Pontevedra; Eva Lantarón
Caeiro, vicerreitora do Campus de Pontevedra da UVigo; Carlos López
Font, deputado de Economía da Deputación de Pontevedra; e Pedro
Figueroa Dorrego, director do Pont-Up Store.
O
evento, destacaron, ofrecerá este ano máis de 30 actividades
relacionadas co ecosistema emprendedor, e máis da metade serán
sesións destinadas a adquirir ou mellorar competencias básicas ou
específicas. Entre as competencias básicas, haberá sesións
dedicadas ás posibilidades de financiamento na pequena empresa; ás
axudas e subvencións; e á aceleración, dixitalización e
neuromarketing para pequenas e medianas empresas.
Con
respecto ás competencias específicas, destacan as relativas ás
empresas de economía social e dos emprendementos sustentábeis.
En
total, vanse presentar 39 startups galegas; 35 serán empresas
con stand, das que catro desenvolverán actividades
demostrativas na carpa e outras 4 participarán tamén na feira de
talento Pont-Up Exprés, onde un total de 7 iniciativas empresariais
presentarán as súas ideas de negocio ante un xurado composto por 4
representantes de importantes entidades e empresas galegas.
- As creadoras do Skeirrum
Dentro
das actividades programadas arredor do desenvolvemento de
competencias emprendedoras, destaca nesta edición a proposta de
Skeirrum, “o primeiro escape room cultural ao aire
libre de Galicia”, en palabras do equipo organizador, que salientou
que vai consisten nunha experiencia especialmente deseñada para a
cidade de Pontevedra. Máis polo miúdo, Skeirrum é idea de
dúas mozas guardesas, Cintia Lomba e Erea Rodriguez, que lograron
visualizar o seu proxecto como un dos máis valorados en dous
importantes certames: o VIII Encontro Internacional de Mozos
Emprendedores 2022 e a Revolta Rural, e que agora se vai presentar
dentro do Pont-Up Store. Neste caso, a experiencia está dirixida a
fomentar a cultura do emprendemento a través do coñecemento do
patrimonio cultural e histórico da cidade de Pontevedra. Consiste en
que unha persoa que decide emprender debe ser capaz de superar todos
os retos que van xurdindo e adaptarse a un mundo en constante cambio
para lograr éxito ao longo do seu camiño emprendedor. A experiencia
propón a resolución de diferentes probas e enigmas que ofrecen a
oportunidade de “simular” como é o día a día dunha persoa
emprendedora. O xogo artéllase nun percorrido interactivo a través
dos puntos máis emblemáticos da cidade, onde estarán escondidos
uns códigos QR que as persoas participantes terán que atopar para
acceder a través deles á unha aplicación web. Ao acceder a esta
ferramenta atoparán diferentes enigmas e probas contextualizadas coa
historia da cidade que terán que resolver para poder continuar.
Skeirrum
Pontevedra ten como obxectivo fomentar o coñecemento da contorna
pontevedresa “dunha maneira singular e innovadora”, ao tempo que
se realiza actividade física e se desenvolven capacidades como a
escoita activa, a comunicación asertiva ou a orientación.
A
participación é gratuíta e só require un teléfono móbil e
“altas dose de imaxinación para resolver os enigmas e descubrir os
segredos da cidade”, explicaron, engadindo que os grupos serán de
entre 2 ata 6 persoas, que
terán que rexistrarse en liña na web de Pont-Up. Esta
actividade está desenvolvida e financiada desde a dirección do
Pont-Up Store e conta co apoio de Abanca, Gadis e o proxecto europeo
HEI4Future, no que participa a UVigo.
Emprender
o camiño da internacionalización
O
encontro ofrecerá tamén a oportunidade de facer un primeiro
achegamento ás posibilidades de internacionalización ao alcance dos
novos emprendementos galegos. Serán un total de 4 sesións: unha
dedicada a orientar a emprendedoras e emprendedoras sobre os
primeiros pasos necesarios para a internacionalización, outra
dedicada a presentar o proxecto europeo HEI4Future, do European
Institute of Innovation & Technology, e outras dúas
inseridas dentro do programa Ticket2Europe, que está xestionado
desde a Cámara de Comercio de Santiago e que serán impartidas en
inglés: Starting Up! dirixido a alumnado da Escola Valle
Inclán que están a participar no programa Erasmus+; e International
Opportunities for entrepreneurs que presentará as experiencias
de varios emprendementos que están participando en programas
internacionais.
Un
Erasmus para as persoas que emprenden
Na
sesión Oportunidades internacionais para o emprendemento,
a técnico da Cámara de Comercio de Santiago, Belén Mendoza,
presentará o programa europeo Erasmus para Emprendedores. Este
programa é unha iniciativa da UE que promove a actividade
emprendedora mediante a aprendizaxe e a transferencia de coñecementos
a través do intercambio transnacional de mozas e mozos emprendedores
e tamén pemes. O programa creouse no ano 2009 e financiou xa máis
de dez mil intercambios. A Cámara de Comercio de Santiago está a
cargo da súa xestión ata o ano 2027, e será a responsábel.
Un
programa que abrangue moitos máis ámbitos
Ademais
están previstas tamén actividades demostrativas na carpa impartidas
por algunhas das empresas seleccionadas e case sempre en formato
obradoiro. Tamén se desenvolverán como en edicións anteriores os
obradoiros de R enfocados a espertar a vocación emprendedora en
contornas tecnolóxicas a idades temperás. Dentro do ámbito do
emprendemento social, poderemos coñecer de primeira man o labor que
desenvolve a asociación solidaria Publicitarios Implicados, nada
para dar un servizo completo de comunicación publicitaria a
micro-ONGs, plataformas de afectados ou colectivos solidarios, que
non poden asumir os custes dunha axencia de publicidade. En canto ás
accións de susentabilidade, a firma AirCO2, seleccionada para ocupar
un dos stands da carpa, vai medir a pegada ecolóxica do
encontro; e en colaboración co Concello, levarase a cabo unha
plantación de árbores.
Entidades
organizadoras
O
Pont-Up Store é unha iniciativa da UVigo e o Grupo G4 Plus, liderada
polo Campus CREA de Pontevedra, e conta co apoio da Concellaría de
Promoción Económica do Concello como patrocinador principal, e
tamén co respaldo da Deputación de Pontevedra, Abanca, Zona Franca
e R, entre as máis de 50 entidades públicas e privadas que durante
estes anos foron sumándose ata conformar un ecosistema de apoio ao
emprendemento pontevedrés e galego.
Nos
labores de organización e coordinación, o encontro conta tamén coa
participación da Asociación para o Emprendemento e Innovación
Pont-Up Store.